පාට කරපු මාළු - 2

කලින් ලිපියෙන් පාට කරපු මාළු ගැන කිව්වා මතකයි නෙ. ඒ ලිපිය කියවන්න බැරි වෙච්ච කෙනෙක් ඉන්නවා නම් මෙතන ක්ලික් කරලා ගිහින් කියවන්න. අද ලිපියෙන් කියන්න යන්නේ කොහොමද පාට කරපු මාළු අඳුන ගන්නේ කියලා.

 තමන් නොදන්න මාළු වර්ගයක් අළුතින්ම මිලදී ගන්නවා නම් උන්ගේ වර්ණ සංයෝජනය දිහා විමසිල්ලෙන් බැලිය යුතුය.වර්ණ ගන්වන මසුන්ගේ අසාමාන්‍ය වර්ණ ගැලපීමක් තියෙන්නේ.වර්ණ ගැන්වූ කිසිම මත්සයෙකුට එකම හැඩයක් සහිතව වර්ණ ගැන්වීම සිදුකල නොහැකියි.

ඒ වගේම සමහර ස්ථාන වල වර්ණ ගැලවී හෝ වර්ණ ගැන්වී නොමැති ස්ථාන තිබේ. එම ස්ථාන ගැනත් විමසිල්ලෙන් බැලිය යුතු වෙනවා.



ලුමිනස් වර්ණ හෝ දිලිසෙන වර්ණ ස්වභාවිකව මසුන්ට පිහිටන්නේ නැත. එම නිසා ලුමිනස් වර්ණ සහිත මත්සයින් අනිවාර්යෙන් පාට කරන ලද මසුන් වේ. එම මසුන් මිලදී ගැනිමෙන් වලකින්න.

අවසන් ක්‍රමය වන්නේ මසුන් පිලිබඳ තමන්ගේ දැනුම භාවිතා කිරීමයි. මසුන් මිලදී ගැනීමට පෙර තමන් මිලදී ගැනිමට යන මසුන් ගැන දැනුවත් වී සිටීමත් පාට කල මසුන් මිලදී ගැනිමෙන් වැලකිය හැකිය. විශේෂයෙන්ම මසුන්ගේ ශරීර වර්ණය ගැන දැනුවත් වී මසුන් මිලදී ගන්නේ නම් පාට කල මසුන් මිලදී ගැනිමෙන් වැලකී සිටිය හැකියි.

දැනට ජනප්‍රියම පාට කල මසුන් වර්ග පහත දක්වා ඇත.

ග්ලාස් ෆිෂ් (Glass Fish)
ශරීරය තුලින් විනිවිද පෙනෙන මත්සයෙකි. මෙම මසුන්ව ඉන්දියන් ග්ලාස් ෆිෂ් නමින් ද හදුන්වයි. මෙම මසුන්ට විවිධ ලුමිනස් වර්ණ ගන්වා විවිධ පැහැයෙන් යුක්තව විකුණන අවස්ථා ඇත.

 
ජෙලි බීන් (Jelly Bean)
දම්, කොළ, රතු සහ නිල් පාටින් යුතු වර්ණ ගැන්වූ ජෙලි බීන් මසුන් විකිණීමට තියෙනවා. බොහෝ විට මෙම ඩයි වර්ග නිසා වර්ණ ගැන්වූ මසුන්ගේ ප්‍රතිශක්තිකරණ පද්ධතියට හානි සිදුවී තියෙනවා.

බ්ලූබෙරි ඔස්කාර් (Blue Oscar)
මෙම මසුන් ස්බාවයෙන්ම ලා පැහැයකින් යුක්ත වෙන මසුන් වේ. බොහෝ විට මෙම මසුන්ට නිල් පාට වර්ග එන්නත් කර විකිණීම සිදු කරයි.  ඔබ නිල් පැහැ බ්ලූබෙරි ඔස්කාර් මත්සයෙකු මිලදී ගන්නේ නම් අනිවාර්යෙන්ම ඌ වර්ණ ගැන්වූ එකෙකි.

ෆෘට් ටෙට්‍රා (Fruit Tetra)
ස්බවයෙන්ම ලා පැහැයක් සහිත මෙම ෆෘට් ටෙට්‍රාවන්ව ඩයි වර්ග තුල ගිල්වා වර්ණ ගැන්වීමක් සිදු කරයි. වර්ණ ගන්වීමෙන් අනතුරුව විවිධ නම් දැමීමත් සිදු කර අලෙවි කිරීම සිදු කරයි.

බොටියා (Botia)
මසුන් ඇති කරන්නන් අතර එතරම් ජනප්‍රිය නැති මත්ස්‍ය වර්ගයකි. මේ නිසා මොවුන් විශේෂයෙන්ම නිල් පැහැ ගන්වා "බ්ලූ බොටියා" මසුන් ලෙස විකිණීම සිදු කරයි.

එහෙනම් ගිහින් එන්නම්.
ජය වේවා !

-------------------------------------------------------------

 ප.ලි. - දවස් හතරක නිමාඩුවකට පස්සේ හෙට වැඩට යන්න මින් විසිතුරු ගමේ ඉදන් අද ආවා. මෙහාට්ට 4ට විතර තමයි ගොඩ බැස්සේ. :)