මාළුන්ට කෑම

මේ තමයි මින් විසිතුරු අද දවසට ලියන දෙවන ලිපිය. මේ ලිපියෙන් මම කියන්න යන්නේ මාළුන්ගේ කෑම ගැන. අපට වගේම තමා මාළුන්ටත් කෑම වර්ග ගොඩක්ම වැදගත් වෙනවා. :)

පැහැදිලි කිරීමේ පහසුවට මාළුන්ගේ කෑම වර්ග කොටස් දෙකකට වෙන් කරන්නම්. ඒවා,

• ජීවි ආහාර  

• නිෂ්පාදිත ආහාර 

ජීවි ආහාර වලට අයිති වෙන්නේ ජලජ ශාක වර්ග, මදුරු කීටයින්, කුඩා සතුන් වැනි දේවල්. අපි කඩවල් වලින් ගන්න කෑම වර්ග සේරම නිෂාදිත ආහාර වලටයි අයිති වෙන්නේ. මුලින්ම කියන්න ඕන හැම මාළු ජාතියම එකම කෑම වර්ගය එක විදිහට ආහාරයට ගන්නේ නෑ.



මාළුන් උනත් විවිධත්වයට ප්‍රිය කරනවා. ඒ වගේම මාළු වර්ග අතරත් ශාක භක්ෂක, මාංශ භක්ෂක හා සර්ව භක්ෂක කියලා කොටස් තුනක් ජීවත් වෙනවා. මේ නිසා ඒ ඒ වර්ගයට ඒ ඒ කෑම ජාතිය දිය යුතු වෙනවා. උදාහරණයක් විදිහට අපි පුංචි කාලේ ෆයිටර් මාළු (බෙටා වර්ග) ඇති කලා. උන් අයිති වෙන්නේ මාංශ භක්ෂක වර්ගයට. ඒ නිසා අපි උන්ට මදුරු කීටයෝ අල්ලලා කෑමට දුන්නා. :)

 මාංශ භක්ෂක මාළුන් - ඇරොවානා, පිරානා, ෆයිටර් වර්ග (බෙටා) , ඔස්කාර්, කැට් ෆිෂ් වර්ග, පෆර් ෆිෂ් වැනි මාළු වර්ග මාංශ භක්ෂක මාළුන් වෙනවා. මේ වර්ගයේ මාළු ජීවත් වෙන ටැංකියකට මාංශජනක කෑම වර්ග යෙදිය යුතු වෙනවා.

ශාක භක්ෂක මාළුන් -  බ්ලැක් හෝ වයිට් වැනි මෝලීස් වර්ග, උආරු, පෙකු වැනි මසුන් වර්ග ශාක භක්ෂක මසුන් වර්ගයට අයත් වෙනවා.මෙවැනි මාළු ජාති කෑමට ගන්නේ පාසි වර්ග හා ජලජ පැලෑටි වර්ගයි.ඊට අමතරව නිෂ්පාදිත කෑම වර්ගත් ආහාරයට ගන්නවා. මෝලීස් වර්ග නම් නිවිති වගේ කොල ජාතිත් කෑමට ගන්නවා. :)

සර්ව භක්ෂක මාළුන් -  ඒංජල්, ආමර්ඩ් කැට් ෆිෂ්, ගප්පි වර්ග , ටෙට්රා වර්ග, ස්වෝර්ඩ් ටේල්, සීබ්‍රාස්, ගුරාමි (නිල් සහ සුදු දෙවර්ගයම) , ගෝල්ඩ් ෆිෂ්, බාර්බ්ස් වර්ග වැනි මාළු වර්ග සර්ව භක්ෂක මාළු වර්ගයට අයිති වෙනවා. විශාල ප්‍රමාණයක් මේ වර්ගයට අයත් නිසා ශාක කොටස් වගේම සත්ව කොටසුත් එක විදිහට කෑමට යොදන්න පුලුවන්.

 මීට අමතරව කාලෙන් කලෙට මාළුන්ට යොදන කෑම වර්ග වෙනස් කිරීමට පුලුවන් නම් ඒක වඩාත් හොඳයි. ගොඩක් මසුන් වර්ග වලට දවසට එක් වතාවක් කෑම දුන්නහම ඇති. ඒත් ශාක භක්ෂක මසුන්ට නම් දවසට දෙවතාවක්වත් කෑම දිය යුතු වෙනවා.  ඒ උන්ට ස්බාවයෙන්ම කුඩා උදරයක් පිහිටලා තියෙන නිසා.

කෑම දමන ප්‍රමාණය ගැනත් සැලකිලිමත් විය යුතුයි. මාළුවාට සම්පූර්ණයෙන්ම ලැබෙන විදිහට කෑම වර්ග නොදිය යුතු ය.තවත් කෑම වර්ග උවමනා නම් උන් ඒවා ටැංකියෙන්ම හොයාගනියි. වැඩිපුර දාන කෑම වලින් අතුරුඵල හැදිලා ඒවා මාළුන්ට අහිතකර වෙන්න පුලුවන්. ඒ වගේම වතුර දුර්වර්ණ වීමත් වෙන්න පුලුවන්.හොඳම දේ තමයි ඉතුරු වෙච්ච කෑම ටික දැලක් ආධරයෙන් ඉවත් කරන එක !

එහෙනම් ගිහින් එන්නම්....
ජය වේවා !

වැනි: as, like