ස්කැවෙන්ජර්ස් -Scavengers

ගප්පි ගැන කියා දුන්නට පස්සේ මම කියන්න හිටියේ ප්ලේටි ගැන.නමුත් ප්ලේටි ගැන කියලා දෙන එක චුට්ටක් නවත්තලා   අද ලිපියෙන් ස්කැවෙන්ජර්ස්ලා ගැන කියලා දෙන්න හිතුවා. ස්කැවෙන්ජර්ස්ලා ගැන නොදන්න අය නම් ගොඩක් අඩු ඇති. ඕනම පොඩි එකෙක් දන්නවා මුන් ගැන.

ස්කැවෙන්ජර්ස් ????


ඔවු ඔවු. අපි ටෑන්ක් ක්ලීනර්ස්ලා කියලා කියන්නේ.  අන්න උන් ගැන තමයි කියන්න යන්නේ. අපේ ගමේ නම් මුන්ට කියන්නේ ටැංකි සුද්දෝ කියලා. :)

 ස්කැවෙන්ජර්ස්ලා කියලා පොදුවේ කිව්වට වර්ග කිහිපයක ස්කැවෙන්ජර්ස්ලා ඉන්නවා. ඔය කැට් ෆිෂ්ලත් එක්තරා විදිහකට ස්කැවෙන්ජර්ස් වර්ගයට අයිති වෙන මාළු ජාතියක්.ගොඩක් ස්කැවෙන්ජර්ස් වර්ග හිටියට අපට නම් ප්‍රසිද්ධ වෙලා තියෙන්නේ "ටෑන්ක් ක්ලීනර්ස්"  (ප්ලෙකෝ) කියලා අපි අඳුරන ස්කැවෙන්ජර්ස් වර්ගය විතරයි.

pleco වර්ගයට අයත් ස්කැවෙන්ජර් මාළුවෙක්

මාළු හදන ඕන කෙනෙක් ටැංක් ක්ලීනර් මාළුවෙක් අරගෙන යන්නේ ඒ මාළු ටැංකිය පිරිසිඳු කරයි කියන බලාපොරොත්තුවෙන්. ඒ කියන්නේ අනිත් මාළුන්ගෙ අපද්‍රව්‍ය ටික මේ මාළුවා කාලා දායි කියලා.කොටින්ම කියනවා නම් ෆිල්ටරයෙන් කරන්න ඕන කාර්යය මේ ටෑන්ක් ක්ලීනර් මාළුවා කරයි කියන බලාපොරොත්තුවෙන්.

නමුත් ටෑන්ක් ක්ලීනර් කියන මාළුවා එහෙම අනිත් මාළුන්ගේ අපද්‍රව්‍ය හෝ පැලෑටි අපද්‍රව්‍ය කන්නේ නෑ..ගොඩක් වෙලාවට ඌ කරන්නේ ටැංකියේ බිත්තිවල පතුලේ හැදෙන විවිධ ඇල්ගී වර්ග පාසි වර්ග කෑමට ගන්න එක. මීට අමතරව ටැංකිය පතුලේ රැස් වෙන කෑම ජාතිත් ආහාරයට ගන්නවා.

මේ නිසා ටෑන්ක් ක්ලීනර්ස්ලා ටැංකිය සුද්දකරලා දෙනවාය කියන එක මිත්‍යා කතාවක් කියලා විතරක් කියන්නම්.

බිත්තර වලින් බෝවෙන මාළු ඉන්න හෝ බිත්තර දාන අවධියේ පසුවෙන මාළු ඉන්න ටැංකියකට ටෑන්ක් ක්ලීනර්ස්ලා දැමීම නොකළ යුතුයි. කුඩා පැටවු ඉන්න ටැංකි වලටත් ටෑංක් ක්ලීනර්ස්ලා දාන්න එපා.   ටික කලක් ගතවෙනකොට මේ මාළු හිතාගන්නවත් බැරි ප්‍රමාණ වලින් විශාල වෙන නිසා ඒ වගේ මාළු ඇල දොළ වලට මුදා හරින්නත් එපා.