ප්ලේටි 3 - Platy - (ප්ලේටි වර්ග 2)

 කලින් ලිපියේ ප්ලේටි භ්‍රබේද ගැන කිව්වා මතක ඇති නේ. පෝස්ට් එක ලෝඩ් වෙන එකට අවුලක් වෙයි කියලා හිතලා මම පෝස්ට් එක දෙකට කැඩුවා. මේ තියෙන්නේ දෙවෙනි පෝස්ට් එක.පළවෙනි පෝස්ට් එක බලන්න බැරි උන කෙනෙක් ඉන්නවා නම් මෙතන ක්ලික් කරලා ගිහින් බලන්න.

අද එතැන් සිට.......



9. ටොප්සේල් ප්ලේටි (Topsail Platy)
මෙම ප්‍රභේදයේ විශේෂත්වය  වන්නේ වඩාත් උස්වූ පෘශ්ඨිය වරලක් පිහිටීමයි.එම වරල නැවක රුවලක් හා සමාන වන නිසයි මොවුන්ට මේ නම ලැබී තියෙන්නේ. ඊට අමතරව ශරීර පැහැය කස රතු හා තැඹිලි පැහැයක් ගනී.

10. ඇසෝර්ටඩ් මිකී මවුස් ප්ලේටි (Assorted Mickey Mouse Platy)
මෙම ප්‍රභේදයේ ඇති විශේෂත්වය වන්නේ වල්ගා වරලට ආසන්නයේ ඇති කළු පැහැති ලපය වේ. මෙම පලය මිකී මවුස්ගේ පාට හා සැසදීමෙනුයි මේ නම ලැබී තියෙන්නේ. මීට අමතරව ශරීර වර්ණයන් කහ, තැබිලි රතු හා නිල් පැහැයන් ගනී.

11.  හයි ෆින් ප්ලේටි (High Fin Platy)
මෙම ප්‍රභේදයට මේ නම ලැබී තියෙන්නේ පෘශ්ඨිය වරල ඉතාමත් විශාලව පිහිටා ඇති නිසයි. විවිධ ශරීර පැහැයන් ඇති හයි ෆින් ප්ලේටින් සිටින නිසා මුන්ව හඳුනා ගැනීමට ඇති එකම කාරණය මුන්ගේ පෘශ්ඨිය වරලේ විශාලත්වය වෙනවා.

12. බ්ලූ මිකී මවුස් ප්ලේටි (Blue Mickey Mouse Platy)
ඇසෝර්ටඩ් මිකී මවුස්ගේම ප්‍රභේදයක් වන අතරමුන්ගේ ඇති විශේෂත්වය වන්නේ ශරීරය නිල් පැහැයෙන් යුක්ත වීමයි. ඊට අමතරව මිකී මවුස් කොටස (වල්ගයට ආසන්නයේ ඇති ලපය)  තද නිල් පාටක් ගැනීමයි.

13.  ෆීඩර් ප්ලේටි (Feeder Platy)
මුන්ගේ ශරීරයේ දෙපස කළු පාට ඉරකින් යුක්ත වීම හා වල්ගය අසල කළු පාට අඩ කවක ආකාරයේ කොටසක් තිබීම විශේෂත්වයකි. මිලෙන් වැඩිම ප්‍රභේදය මොවුන් වේ.

නව ප්‍රභේද

14. බ්ලීඩින් හාර්ට් ප්ලේටි (Bleeding Heart Platy)
තුවාලයකින් ලේ ගලන ආකාරයේ රතු පාට සිහින් ඉරි සහිත වීම මුන්ගේ ඇති විශේෂ ලක්ෂණයක්. මීට අමතරව කළු පැහැයක් ගන්නා වල්ගා වරලක් හිමි වීමත මෙම ප්‍රභේදයට ඇති සුවිශේෂි ලක්ෂණයකි.

15. කැලිකෝ ප්ලේටි (Calico Platy)
ශරීරය පුරාම කළු පැහැයෙන් යුක්ත තිත් දක්නට ලැබීම මෙම ප්‍රභේදයේ ඇති සුවිෂේශි ලක්ෂණයකි. මෙම ප්‍රභේදය පේන්ටඩ් ප්ලේටි වර්ගයෙන් වෙනස් වන්නේ මුන්ගේ වල්ගට ආසන්නයේ එතරම් කළු පාට ගණව පැතිරී නොමැති වීමයි.

16. චින්තක වේරියාටස් (Chinthaka Veriatus)

සැ.යු. - ලංකාවේ චින්තක දිසානායක සොයාගත් චින්තක වේරියාටස් ප්‍රභේදය ගැන වෙනම ලිපියක් ලියන්නම්.

එහෙනම් ගිහින් එන්නම්
ජය වේවා !