ප්ලේටි 2 - Platy - (ප්ලේටි වර්ග 1)

ඔන්න කලින් පොරොන්දු වෙච්ච විදිහට අද කියලා දෙන්න යන්නේ ප්ලේටි වර්ග ගැන. ප්ලේටි ගැන මගේ මුල් ලිපිය කියවන්න බැරි උන අය ඉන්නවනම් මෙතන ක්ලික් කරලා කියවන්න.



1. රෙඩ් ප්ලේටි (Red Platy)
ප්ලේටි කියලා කිව්වම මුලින්ම අපේ මතකයට නැගෙන්නේ රතු ප්ලේටි.ප්ලේටින් අතර ගොඩක්ම සුලභ ප්ලේටි වර්ගය තමයි රෙඩ් ප්ලේටි කියන්නේ. ශරීර පැහැයෙන් රතු වන අතර වල්ගා වරල කළු පැහැයක් ගන්නා ප්ලේටිද සිටී.

2. ඇසෝර්ටඩ් ප්ලේටි (Assorted Platy)
රතු ප්ලේටි හැරුනකොට ජනප්‍රිය ප්ලේටි වර්ගයක් තමයි ඇසෝර්ටඩ් ප්ලේටි කියන්නේ.ශරීර පැහැයෙන් කහ පාටට හුරු තැඹිලි රතු පාටක් ගන්නා අතර වරල් කළු පැහයක් ගනී.

3. ගෝල්ඩ් මිකී මවුස් ප්ලේටි (Gold Mickey Mouse Platy)
තරමක ජනප්‍රියතාවක් ඇති ප්ලේටි ප්‍රභේදයකි. දිලිසෙන කළු පැහැති වරල් හා දිප්තිමත් තැඹිලි පාට ශරීරයකින් යුක්තය. මෙම ප්‍රභේදයේ මාළුන්ගේ ඇස් අසල නිල් පැහැති කුඩා ලපයක් දක්නට ලැබීම විශෙෂ ලක්ෂණයකි.

4. පේන්ටඩ් ප්ලේටි (Painted Platy)
මෙම වර්ගයේ ප්ලේටින්ගේ ශරීරය කළු පැහැයෙන් වර්ණ ගන්වා ඇති ආකාරයට දිස් වෙන බැවින් මුන් පේන්ටඩ් ප්ලේටි නමින් හදුන්වයි.  කහ පාටට හුරු රතු පාටක් ඇති පේන්ටඩ් ප්ලේටි වර්ගය මුන්ගේ ඇති ජනප්‍රියම වර්ගය වේ.

5. පයින්ඇපල් ප්ලේටි (Pineapple Platy)
ගිනි දැල්ලට හුරු රතු පාටත් අන්න්නාසි ගෙඩියක ඇතුලත තැබිලි පාටත් මිශ්‍රිත ප්ලේටි වර්ගයකි.

6. ටයිගර් රූබි ප්ලේටි (Tiger Ruby Platy)
මුන්ගේ ඇති විශේෂත්වය වන්නේ සිරුරේ සිරස් අතට ඇති  රතු පාට ඉරි රටාව වේ. මෙම ඉරි රටාව මේ ප්‍රභේදයටම ආවේනික වන නිසා මුන්ව හඳුනා ගැනීම අපහසු නොවේ. තරමක මිලෙන් වැඩි ප්‍රභේදයකි.

 7. රේන්බෝ ප්ලේටි (Rainbow Platy)
වල්ගා වරල් කළු පැහැයෙන් යුක්ත කහ, රතු හා කළු මිශ්‍ර ශරීරයක් හිමි ප්ලේටි ප්‍රභේදයකි. ඒ වගේම මුන්ගේ විවිධ වරල් හැඩ ඇති ප්ලේටි වර්ග ද සිටී.

8. ගෝල්ඩන් ට්වින් බාර් ප්ලේටි ( Golden Twin Bar Platy)
මේ ප්‍රභේදය මූන්ෆිෂ් යනුවෙනුත් හදුන්වයි.ශරීර පැහැය තරමකට ටයිගර් රූබි ප්ලේටින්ට සමාන වන අතර දිලිසෙන කහ පැහැයක් උසුලයි. මොවුන් ට්වීන් බාර් වන්නේ මුන්ගේ වල්ගා වරලේ ඉහලින් හා පහලින් ඇති කළි පාට ඉරි (බාර්) දෙක වේ.

පෝස්ට් එක ලෝඩ් වෙන එකට අවුලක් වෙයි කියලා හිතලා ඉතුරු ප්‍රභේද ටික ඊලඟ ලිපියෙන් ඉදිරිපත් කරන්නම්.
එහෙනම් ගිහින් එන්නම්.
ජය වේවා !