ප්ලේටි - Platy

ඔන්න අද හදුන්වා දෙන්න යන්නේ දෙවෙනි මාළු වර්ගය. මුලින්ම ගප්පි හදුන්වා දුන්නා මතක ඇති නේ. බලන්න බැරි උන කෙනෙක් ඉන්නවා නම් මෙතනින් පළවෙනි ලිපියත් මෙතනින් දෙවෙනි ලිපියත් මෙතනින් තුන්වෙනි ලිපියත් කියවන්න.

අද ලිපියෙන් කියලා දෙන්නේ ප්ලේටි ගැන. එහෙනම් ප්ලේටි ගැන ඉගෙන ගනිමු.

සාමාන්‍ය නාමය -  ප්ලේටි (Platy)
විද්‍යාත්මක නාමය -Xiphophorus maculatus
සාමාන්‍ය දිග - අඟල් 2ත් 2.5ත් අතර අගයක් ගනී.
නිජබිම -   මධ්‍යම ඇමරිකාව
හිතකර උෂ්ණත්වය - ෆැරන්හයිට් 65ත් 78ත් අතර (සෙල්සියස්  18ත් 26ත් අතර)

ගප්පි වගේම තමයි ප්ලේටිත් පැටවු මගින් බෝවෙන මාළු ජාතියක්.  ඒ වගේම අළුතෙන් මාළු හදන්න පටන් ගන්න කෙනෙකුට නිර්දේශ කරන්න හොද මාළු ජාතියක්. පේලේටි කියන්නේ ඉතාමත් සාමකාමි ඒ වගේම විවිධ ලෙඩ රෝග වලට හොඳින් ඔරොත්තු දෙන මාළු වර්ගයක්.

 ප්ලේටි ගෑනු සතුන්, පිරිමි සතුන්ට වඩා ප්‍රමාණයෙන් කුඩා වන අතර ගෑනු පිරිමි දෙවර්ගය වෙන් වෙන් වශයෙන් හදුනා ගැනීමට උන්ගේ ගුද වරලේ හැඩය ප්‍රයෝජනවත් වෙනවා. ප්ලේටි ගැහැනු සතෙකුගේ ගර්භණී කාළය සති 4ත් 6ත් අතර කාළයක් ගන්න අතර වරකට පැටවු 10ත් 30ත් අතර ප්‍රමාණයක් බිහිකරනවා.

මේ නිසාම ගප්පින්ට තරම් නොවුනත් ප්ලේටින්ගෙත් හොඳ බෝවීමක් තියෙනවා.

තව දෙයක් තමයි ප්ලේටි වර්ග උපන් ගමන් පැටවු ආහාරයට ගන්නවා. මේ නිසා පැටවු ඉපදුනායින් පස්සේ මවගෙන් හා අනෙකුත් මාළුන්ගෙන් මේ පැටවු වෙන් කරන එක හොඳයි. ඒ වගේම ප්ලේටි කියන්නේ සර්ව භක්ෂක මාළු විශේෂයක් නිසා ඕනම ජාතියක කෑම අනුභව කරනවා.

ප්ලේටින් අවුරුදු 2ත් 3ත් අතර කාළයක් ජීවත් වෙනවා. රැක බලාගැනීම හා ලෙඩ රෝග වලට හසුවීමත් ලබා දෙන ආහාර අනුව උන්ගේ ආයු කාළයේ සුළු සුළු වෙනස්කම් දකින්න පුලුවන්. ඒ ඇරෙන්න ප්ලේටි, උන්ගේ සාමාන්‍ය ආයු කාළය ගත කරනවා.

ඒ වගේම ප්ලේටි කියන්නේ ඉතාමත් මිලෙන් අඩු මාළු ජාතියක්. රුපියල් 15ක ඉදලා 30ක් අතර ගණන් වලින් ප්ලේටි මිලදී ගන්න පුළුවන්.

ඊලඟ ලිපියෙන් ප්ලේටි වර්ග ගැන ඉගෙන ගනිමු.
ගිහින් එන්නම්.
ජය වේවා !!!