ස්වෝර්ඩ්ටේල් 2 - Swordtail (ස්වෝර්ඩ්ටේල් වර්ග 2)

 කලින් ලිපියේ ඉතුරු කොටස තමයි අද ලිපියෙන් තියෙන්නේ. ලිපිය දෙකට කැඩුවේ පින්තූර ගොඩක් තියෙන නිසා ලෝඩ් වෙන එක පමා වෙයි කියලා.පළවෙනි කොටස කියවන්න බැරි උන කෙනෙක් ඉන්නවා නම් මෙතන ක්ලික් කරලා කියවන්න.

ඔන්න එහෙනම් ඉතුරු කොටස් ටික... 



9. රෙඩ් මිකීමවුස් ස්වෝර්ඩ්ටේල් (Red Mickey Mouse Swordtail)
මෙම මත්ස්‍ය ප්‍රභේදයේ ශරීර වර්ණය රතු පැහැ වන අතර වල්ගා වරල ආසන්නයේ කළු පැහැති මිකී කවුස් කොටස නිසා මෙම ප්‍රභේදයට රෙඩ් මිකී මවුස් යන නම ලැබී තිබේ.

10. ඇල්බිනෝ ස්වෝර්ඩ්ටේල් (Albino Swordtail)
මෙම ස්වෝර්ඩ්ටේල් ප්‍රභේදය සර්ව සම්පූර්ණයෙන්ම ධවල පැහැ (සුදු පැහැ) ගනී. මීට අමතව පිරිමි මසුන්ගේ ශරීරය දෙපස රතු කෝ කොල පැහැ ඉරි දක්නට ලැබේ.

11. ඇසෝර්ටඩ් ස්වෝර්ඩ්ටේල් (Assorted Swordtail)
මෙම ස්වෝර්ඩ්ටේල්  ප්‍රභේදයේ ශරීරය දෙපස විවිධ වර්ණ ඉරි දක්නට ලැබීම විශේෂ ලක්ශණයයි. එලෙසම කොළ පැහැය හා රතු පැහැගන්නා විවිධ ඇසෝර්ටඩ් ස්වෝර්ඩ්ටේල් වර්ග දක්නට ලැබේ.

12. බ්ලැක් ස්වෝර්ඩ්ටේල් (Black Swordtail)
මෙම ස්වෝර්ඩ්ටේල් ප්‍රභේදය තනිකරම කළු පැහැයකින් යුක්ත වේ.

13. ග්‍රීන් ස්වෝර්ඩ්ටේල් (Green Swordtail)
මෙම අවෝර්ඩ්ටේල් ප්‍රභේදයේ ශරීර වර්ණය ලෙඩ කොළ පාට වර්ණය ප්‍රධාන වේ. 

14. කොයි ස්වෝර්ඩ්ටේල් (Koi Swordtail)
මෙම මත්ස්‍යය ප්‍රභේදයේ ප්‍රධාන ශරීර වර්ණ වන්නේ රතු පාට හා සුදු පාට වේ. රතු පාට වර්ණය හිස ආසන්නයේ පිහිටා ඇති අතර ශරීරයේ ඉතුරු අනෙකුත් කොටස් සුදු පාටකින් යුක්ත වේ.

15. මෙරිගෝල්ඩ් වැග් ස්වෝර්ඩ්ටේල් (Merigold Wag Swordtail)
මෙම ප්‍රභේදයේ ශරීර වර්ණය වන්නේ මෙරිගෝල්ඩ් (කහ තැඹිලි මිශ්‍රණය) වන අතර ශරීරයේ වල්ගා කොටස කළු පැහැයකින් යුක්ත වෙනවා. මෙම කළු පැහැති කොටස වැග් කොටස වන අතර ශරීර වර්ණය මෙරිගෝල්ඩ් වන නිසා මෙම ප්‍රභේදයට මෙරිගෝල්ඩ් වැට් ස්වෝර්ඩ්ටේල් යන නම ලැබී ඇත.

16. නියෝන් ස්වෝර්ඩ්ටේල් (Neon Swordtail)
මෙම වර්ගයෙම් මත්සයෙකුගේ ශරීර වර්ණය නියොන් ටෙට්‍රාවෙකුගේ ශරීරයේ ඇති නියෝන් වර්ණ මිශ්‍රව ඇත. ඒ වගේම මෙම මසුන් දිලිසෙන ස්වභාවයක් ගනී.

එහෙනම් අළුත් මාළු වර්ගයක් අරගෙන ආයෙම එන්නම්.
ජය වේවා !