ස්වෝර්ඩ්ටේල් 2 - Swordtail (ස්වෝර්ඩ්ටේල් වර්ග 1)

කලින් ලිපියේ කියපු විදිහට අද ලිපියෙන් කියන්න යන්නේ ස්වෝර්ඩ්ටේල් වර්ග ගැන. ස්වෝර්ඩ් ටේල් කිව්වම අපේ හිතේ ඇඳෙන්නෙම රතුපාට වර්ගයක් විතරයි. නමුත් ඊට වඩා ස්වෝර්ඩ් ටේල් වර්ග ඉන්න බව මේ පෝස්ට් එකෙන් තේරුම් ගන්න පුලුවන්.

එහෙනම් වැඩි කතා ඕනැන්නේ නෑ. කෙලින්ම වැඩේට බහිමු.



1. රෙඩ් ස්වෝර්ඩ්ටේල්  (Red Swordtail)
දැනට වඩාත්ම ජනප්‍රියම ස්වෝර්ඩ්ටේල් වර්ගය තමයි මේ. මේ වර්ගයේ තියෙන විශේෂත්වය තමයි මුන්ගේ මුළු ඇඟම රතුපාට වීම හා වෙනත් කිසිම වර්ණයක් මිශ්‍ර වී නොතිබීමයි.

2. රෙඩ් වැග් ස්වෝර්ඩ්ටේල් (Red Wag Swordtail)
රෙඩ් ස්වෝර්ඩ්ටේල් වර්ගයෙන් රෙඩ් වැග්ටේල් වෙනස් වෙන්නේ මුන්ගේ ශරීරයේ රතු පැහැයට අමතරව වල්ග වරල කළු පාටින් යුක්ත වීමයි. වල්ග වරලේ අවසන් කෙලවරවල් හා කඩුව කොටස මෙලෙසින් කළු පැහැ ගන්නවා.

3. බ්ලඩ් අයි රෙඩ් ස්වෝර්ඩ්ටේල් (Blood Eye Red Swordtail)
මෙම ස්වෝර්ඩ්ටේල් ප්‍රභේදයත් රතු පැහැයෙන් යුක්ත වන අතර ඉහත වර්ග දෙකෙන් මෙම ප්‍රභේදය වෙනස් වන්නේ මුන්ගේ ඇස් වල වර්ණයත් රතු පාටින් යුක්ත වීමයි.

 4. හයි ෆින් ස්වෝර්ඩ්ටේල් (Hi Fin Swordtail)
මෙම ස්වෝර්ඩ්ටේල් ප්‍රභේදයත් තද රතු පාටින් යුක්ත වන අතර ඉහත අනිත් රතු ස්වෝර්ඩ්ටේල් වර්ග වලින් වෙනස් වන්නේ මෙම ප්‍රභේදයේ මසුන්ගේ පිට වරල ඉතාමත් විශාලව පිහිටීමයි. මෙම ලක්ෂණයට අමතරව මුන්ගේ ඇස් රතුපාටින් යුක්ත ය.

5. හයි ෆින් ලයිරා ටේල් ස්වෝර්ඩ්ටේල් (Hi Fin Lyra Tail Swordtail)
මෙම ස්වෝර්ඩ්ටේල් ප්‍රභේදයත් රතු පාටින් යුක්ත වන අතර  මුන්ගේ පිට වරල ඉතා විශාලව පිහිටා ඇත. තවද  මුන්ගේ වල්ගා වරල වීණාවක (Lyra - ලයිරා) හැඩය ගන්නා නිසා මුන්ට මේ නම ලැබී තියෙනවා.

6. මෙරිගෝල්ඩ් මිකී මවුස් ස්වෝර්ඩ්ටේල් (Merigold Mickey Mouse Swordtail)
මෙම ප්‍රභේදයේ මසුන්ගේ ශරීර වර්ණය කහ තැඹිලි මිශ්‍රණයක් වන අතර  වල්ගා වරල ආසන්නයේ කළු පැහැති ලපයක ආකාරයේ කොටසක්. දක්නට ලැබේ. මෙම කළු පාට කොටසට මිකී මවුස් කොටස කියාද හදුන් වන බැවින් මුන්ට මිකීමවුස් ප්‍රභේද කියා ද හදුන්වයි.

7. පේන්ටඩ් ස්වෝර්ඩ්ටේල් (Painted Swordtail)
මෙම මසුන් තැඹිලි රතු පැහැයක් ගන්නා අතර ශරීරය පුරාම කළු පාටින් වර්ණ ගන්වා ඇති ආකාරයට කළු පැහැය විසිරිමක් දක්නට ලැබේ.මේ නිසා මෙම මසුන්ට පේන්ටඩ් යන නම ලැබී ඇත.

8. පයින් ඇපල් ස්වෝර්ඩ්ටේල් (Pineapple Swordtail)
මෙම මසුන්ගේ ශරීරය කහ තැබිලි රතු යන වර්ණ තුනෙහි සංකලනයක් වන නිසා මෙම වර්ගයට පයින් ඇපල් ස්වෝර්ඩ්ටේල් යන නම ලැබී තිබේ.

ඉතුරු ප්‍රභේද ටික ඊලඟ ලිපියෙන් ඉදිරිපත් කරන්නම්. නැත්නම් පෝස්ට් එකේ පින්තූර ටික ලෝඩ් වෙන්නේ නැති වෙයි.

එහෙනම් ගිහින් එන්නම්.
ජය වේවා !!