මෝලි 2 - Molly

කලින් ලිපියෙදි මෝලි ගැන විස්තර කිව්වා මතක ඇති නේ. ඔන්න අද ලිපියෙන් ඉදිරිපත් කරන්නේ මෝලි ප්‍රභේද ගැන. කලින් ඉදිරිපත් කරපු අනිත් මාළු වර්ග වගේම මෝලීන්ගෙත් ප්‍රභේද ගොඩක් ඉන්නවා.

ගොඩක් වෙලාවට අපි මෝලී කියලා අඳුර ගන්නේ කළු පාට ප්‍රභේදයක් නේ. කළු පාට ප්‍රභේදය වගේම සුදු පාට ප්‍රභේදයත් අපි අතර ගොඩක් ප්‍රසිද්ධයි.

එහෙනම් වැඩි කතාවට යන්න ඕන නෑ. කෙලින්ම ප්‍රභේද ගැන විස්තර ටිකට බහිමු.


1. බ්ලැක් මෝලි  (Black Molly)
මෝලි වර්ග වලින් ගොඩක්ම ප්‍රසිද්ධ වර්ගය වගේම මෙලෙනුත් ඉතාම අඩු වර්ගය තමයි බ්ලැක් මෝලි කියන්නේ. මුන්ව අඳුරගන්න තියෙන මූලිකම ලක්ෂණය කළු වර්ණය නම් නොවේ. මුන්ගේ පිට වරල එතරම් ලොකුවට පිහිටා නැති වීමයි මුන්ගේ තියෙන විශේෂත්වය. කළු පාටින් අඳුනගන්න අපහසු වෙන්නේ කළු පාටෙනුත් උප ප්‍රභේද ඉන්න හන්දා.

2. වයිට් මෝලී (White Molly)
බැල්ක් මෝලීන්ට ඉතා ම සමානකම් දක්වන එහෙත් පාටින් පමණක් වෙනස් වන වර්ගයකි වයිට් මෝලි කියන්නේ. මුන්ගෙත් පිට වරල තරමක කුඩා ගතියක් පෙන්වයි. මෙම වයිට් මෝලීන්ගෙත් උප ප්‍රභේද දක්නට ලැබේ.

3. සිල්වර් මෝලී (Silver Molly)
ශරීර වර්ණය රිදී පාටට හුරු පාටක් ගැනීමත් වල්ගා වරල ග්‍රීක හෝඩියේ ඩෙල්ටා අකුරක හැඩයක් ගැනීමත් මෙම ප්‍රභේදයේ ඇති විශේෂ ලක්ෂණ වේ.

4. සැෆ්ර්න් මෝලී (Saffron Molly)
ශරීර වර්ණය තද කහ පාටට හුරු වීම මෙම වර්ගයේ ඇති මූලිකම ලක්ෂණයකි. එසේම මෙම වර්ගයේ ඇස් කළු පාටින් යුක්ත වේ.

5. බැලූන් මෝලී වර්ග (Balloon Molly types)
බැලූන් මෝලීන්ගේ ඇති විශේෂම ලක්ෂණය වන්නේ උන්ගේ උදර කුහරය බැළුමක ආකාරයෙන් පිම්බී තිබීමයි. මෙම බැලූන් ප්‍රභේදයේ උප විශේෂ ඉතා විශාල සංඛ්‍යාවක් ජීවත් වේ. එයින් කිහිපයක පින්තූර පහත දැක්වේ.

5.ඩැල්මේශන් මෝලි (Dalmation Molly)
මෙම වර්ගයේ තියෙන විශේෂම ලක්ෂණය තමයි ශරීරය ප‍්උරාම කළු පාට තිත් දක්නට ලැබීමයි. මීට අමතරව ශරීරය තනි වර්ණයක් ගනී.

6.  ගෝල්ඩ් ඩස්ට් මෝලී (Gold Dust Molly)
ශරීරයේ උදරය දෙපැත්තේ රත්තරන් පාටින් ඉතා කුඩා කුඩකින් යුක්ත ඉරි දක්නට ලැබීම මෙම වර්ගයේ ඇති සුවිශේෂි ලක්ෂණයයි. ඒ වගේම ශරීර වර්ණය කහ/තැඹිලි පාටක් ගන්නවා.

මීලඟට කියන්න බලාපොරොත්තු වෙන්නේ ලයිරා ටේල් (Lyre tail) හා සෙයිල්ෆින් (Sail fin) වර්ග දෙක ගැන. මුන්ගෙනුත් උප ප්‍රභේද විශාල සංඛ්‍යාවක් ඉන්නවා. නමුත් මේ ලිපියේ අදත් පින්තූර ගොඩක් නිසා පෝස්ට් එක දෙකට කඩන්න සිද්ධ උනා. ඊලඟ කොටස අනිත් ලිපියෙන් බලාපොරොත්තු වන්න.

එහෙනම් ගිහින් එන්නම්.
ජය වේවා !