ෆයිටර් 3 - fishting fish

කලින් ලිපි වලදී ෆයිටර් මසුන්ගේ හැසිරීම ගැන උන්ගේ ආහාරපාන ගැන කිව්වා මතක ඇති නේ. අද කියන්න යන්නේ මෙම වර්ගයේ මසුන්ගේ බෝවීම ගැන. ඒ ලිපිය කියවන්න බැරි කෙනෙක් ඉන්නවා නම් මෙතන ක්ලික් කරලා කියවන්න.

මෙම මසුන් බිත්තර මගින් බෝවෙන නිසා යම්තාක් දුරට පැටවු ලබා ගැනීම අසීරුයි. ඒ නිසාම තමයි මුල් වරට මසුන් ඇති කරන අයෙකුට මෙම වර්ගයේ හෝ මොනයම් හෝ බිත්තර මගින් බෝවෙන මසුන් වර්ගයක් නිර්දේශ නොකරන්නේ.

 පිරිමි මත්සයා සිය වර්ගයා බෝකිරීමට එසේත් නැත්නම් සංසර්ගයක් සිදු කිරීමට සූදානම් අවධියේදි බුබුළු පිට කිරීමක් සිදු කරයි. මෙම අවධියේදි පිරිමි මත්සයා වඩාත් කලහකාරි ස්වභාවයක් පෙන්වයි. මේ නිසාම ගැහැනු මත්සයාත් සමග කලහා කිරීමට පවා පෙලඹේ. මෙම කලහයන් නිසා ගැහැනු මත්සයාගේ වරල් වලට හෝ කොරපොතු වලට හානි පවා සිදුවිය හැක.කලහය අවසානයේදි සංසර්ගය සිදුවේ.

පිරිමි මත්සයා විසින් සාදන ලද බුබුළු ආවරණය යටදී සංසර්ගය සිදුවේ. මෙම සංසර්ගයන් පැය කිහිපයක් හෝ දින කිහිපයක් උවද පැවතිය හැකිය. තවද පිරිමි මත්සයාගේ මෙම කලහකාරි ස්වරූපය නිසාම ටැංකිය තුල ගැහැනු මත්සයාට සැඟවී සිටිය හැකි ස්ථාන සාදා තිබීම වඩාත් උචිත වේ.

සංසර්ගයෙන් දිනක් දෙකක් ඇතුලත දී බිත්තර දැමීම සිදු කරයි. එම බිත්තර බුබුළු දැල අතර එකිනෙක ඇලී පවතී.බිත්තර දැමීමෙන් පසු පිරිමි මත්සයා බුබුළු දැල ආරක්ෂා කරන අතර ගැහැනු මත්සයාට ඒ අසලටවත් පැමිනීමට ඉඩ නොදේ. මේ අවධියේදි ගැහැනු මත්සයාව ටැංකියෙන් ඉවත් කිරීම සිදු කළ යුතු ය. නැත්නම් පිරිමි මත්සයා සමග කලහයන් ඇති කර ගනී.

ටැංකියෙන් ඉවත් කර ගත් ගැහැනු මත්සයාට වරල් වැඩීම සඳහා බෙහෙත් වර්ග ලබා දිය යුතු ය. ස්බාවිකව වරල් නැවතත් වැවීම සිදු වූවත් බෙහෙත් එකතු කිරීඅද යෝග්‍ය වේ. සෑම ෆයිටර් මත්සයෙකුම මෙලෙස අධික කලහකාරි හැසිරීමක් නොදක්වයි.

බිත්තර දැමීමෙන් දිනකදී හෝ දික දෙකක් ඇතුලත දී පැටවුන් එලියට ඒම සිදු වේ. මෙම අවස්ථාවෙදි පිරිමි මත්සයාද වෙනත් ටැංකියකට මාරු කිරීම සිදු කළ යුතු ය. පැටවුන් සඳහා දිනකට දෙවරක් බැගින් කෑම ලබා දිය යුතු ය.

කෑම සඳහා කුඩා පණු වර්ග හෝ සිහින්ව කුඩු කරගත් ප්‍රීමා මත්ස්‍ය ආහාර(කොල හෝ රතු පාට කුඩා කෑම වර්ග) ලබා දිය යුතු ය.

මීලඟ ලිපියෙන් ෆයිටර් මත්ස්‍යය වර්ග ගැන ලියන්නම්.
එහෙනම් ගිහින් එන්නම්.
ජය වේවා !